Þvottaleiðbeiningar

Þú getur fundið leiðbeiningar um það hvernig best er að þvo þína Cintamani flík innan á flíkinni sjálfri.

Flestar Cintamani primaloft flíkur má þvo í þvottavél. Ekki þvo flíkina á hærri hita en ráðlagt er á þvottaleiðbeiningum flíkurinnar sjálfrar, vanalega er mælt með að ekki sé þvegið útivistaflíkur á hærri hita en við 30°C.

Primaloft er tæknilegt efni og þess vegna ætti að þvo það eins sjaldan og hægt er til þess að auka líftíma þess.

Oft er nóg að strjúka af flíkinni með blautum klút, skola með vatni eða láta lofta um hana.

Mýkingarefni getur eyðilagt útivistaflíkur og ekki ætti að nota þau. Það er mælt með því að notuð sé minna en matskeið af þvottaefni, sem er án aukaefna eða sérstakt þvottaefni fyrir primaloft. Það er sérstaklega varað við þvottaefnum með mýkingarefnum.

Það fer mjög illa með primaloft að setja það í þurrkara og það má alls ekki strauja það.

Til að fara sem best með flíkina í þvotti, er best að velja kerfi í þvottavélinni sem er ætlað viðkvæmum þvotti, eins og ullar eða silkikerfi og forðast að vinda.

Lokaðu öllum rennilásum og frönskum rennilásum, nema þeim sem eru fyrir vösum, áður en flíkin er þvegin.

Primaloft þornar mjög fljótt og til að þurrka primaloft flíkina þína mælum við með því að þú hengir hana upp á herðatré á þurrum stað.